Д.Қонаев атындағы №44 мектеп гимназиясының мұғалімдеріне әдістемелік көмек көрсету мақсатында сәуір айының 7 күні мектепішілік "ІС ӘРЕКЕТТЕГІ ЗЕРТТЕУ" тақырыбында оқыту семинары өткізілді. Оқыту семинарын мектеп тренері Капанова Гульмира Гайсиевна жүргізді.
Оқыту семинарының негізгі мақсаты мұғалімдер өз тәжірибесін жетілдіру үшін ІС-ӘРЕКЕТТЕГІ ЗЕРТТЕУДІ қалай қолдану керектігін және де жалпы мектептегі тәжірибені жетілдіру мақсатында басқа мұғалімдерге ІС-ӘРЕКЕТТЕГІ ЗЕРТТЕУДІ пайдалануға қалай көмектесу.
Оқу нәтижесі: Әріптестер ІС-ӘРЕКЕТТЕГІ ЗЕРТТЕУДІ жоспарлау, зерттеу сұрағын тұжырымдауды үйренеді.
Оқыту семинары мына негізгі бөлімдерден тұрды:
1) «Іс-әрекеттегі зерттеу» санатының шығу тегі.
2) Мектеп базасындағы іс-әрекеттегі зерттеу дегеніміз не?
3) ІС-ӘРЕКЕТТЕГІ ЗЕРТТЕУЛЕРДІҢ ТҮРЛЕРІ
4) Зерттеу сұрағын тұжырымдау.
5) Іс-əрекеттегі зерттеудің жалпы үдерісін ұйымдастыру бойынша ұсынымдар.
Бұл семинар мұғалімдердің өз іс –тәжірибесінде болып жатқан проблеммаларды анықтай отырып, оны шешу жолдарын ұсынуға, өзара тәжірибе алмасуға мүмкіндік берді. Әр ұстаз сыныптарына зерттеу жүргізу арқылы кез-келген туындаған мәселені шешу жолдарын анықтап, өз қоржындарын тәжірибемен толықтырды. Пән мұғалімдері жақсы кері байланыс беріп, ұйымдастырушыларға алғыс білдірді
