8 наурыз қарсаңында 44 мектеп-гимназиясы кəсіподақ ұйымының ұйымдастыруымен жəне мұғалімдердің сұранысы бойынша Хадиша Бөкеева атындағы облыстық қазақ драма театрына «Сөз патшасы – өлең»-ді «АЯЛАП ӨТЕМ» деген және сол уәдесінде тұрған Фариза ақынның премьерасына барып қайтты. Шығармашылығының әр сөзін мән, көп жырын ән қылған мұғалімдер қауымының Адам һәм Ақын тұлғасының рухымен поэтикалық фэнтези арқылы қауышуы - үлкен мәдени оқиға болды. "Аялап өтем" премьерасы гимназия ұжымына ерекше əсер қалдырған болатын. Əртістердің рөлдерді сомдауы, əсіресе Фариза апамыздың рөлін сомдаған, Қазақстанның еңбек сіңірген қайраткері - Гүлжиян Шынтемір жəне театр жастары, соның ішінде 44 мектеп-гимназиясының түлегі - Өркен деген оқушымыздың рөлдерді ойнауы ерекше болды.
Дəстүрлі түрде əр қойылымды үнемі тамашалап отыратын Ақжарқын Мүтиғоллақызы бастаған ұжым мүшелері Хадиша Бөкеева атындағы облыстық қазақ драма театрына алғыстарын білдіріп, шығармашылық табыстар тілейді.
Қазақстан Республикасының мемлекет және қоғам қайраткері Рәшиля Мүрсалиева: "Қанша уақыт өтсе де, Фариза апамыздың поэзиясына деген халықтың ыстық махаббаты сөнген емес", - деген екен. Ендеше жастардың ақын жырларымен сусындауы болашақта саналы ұрпақтың өсіп-жетілуіне жол ашады деген сенімдеміз.
#44schoolgymnasium #gymnasium #Batys #Uralsk
