Д.Қонаев атындағы 44 мектеп-гимназиясында 20 тамыз күні сағат 15:00-де "Жаңа оқу жылында балаларды оқыту туралы" тақырыбында ZOOM платформасы арқылы жалпыреспубликалық ата-аналар жиналысы өтті.

Жалпы ата-аналар жиналысының мақсаты: Коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқытудың ерекшеліктері туралы ата-аналарды (балалардың заңды өкілдерін) хабардар ету.

Жиналыста қаралған мәселелер:

* Жаңа оқу жылындағы оқу форматы.

*Оқытудың штаттық режимінде санитарлық талаптарды сақтау.

*Қашықтан оқыту: баланың мінез-құлық ережелері және жұмыс орны.

*Қашықтан оқытуды жүзеге асыратын білім беру платформасымен танысу.

*Жаңа оқу жылында білім алушыларды бағалау жүйесі.

*Баланың оқу режимі және демалысы.

*Баланы өздігінен оқуға қалай ынталандыруға болады?

*Балалардың интернеттегі жұмысын ата-аналардың бақылауы ережелерімен танысу.

*Ата-аналар мен балалардың қарым-қатынас психологиясы.

Ата-аналар жиналысы барысында мектеп директоры Тлекенова Б.С. ата-аналарға 2020-2021 оқу жылында ұйымдастырылатын шаралар жөнінде, қашықтан оқыту жүйесінің ерекшелігін, "кезекші сыныптарда" оқытуды ұйымдастыруды, 5-11-сыныптарда сабақтың онлайн форматта жүретіндігін, "кезекші сыныптардың" жұмыс істеуін, 1-4-сыныптардағы апталық жүктеме, қашықтан оқуға дайындық жұмыстарының жүргізілуін, кезекші сыныптардағы бала санын, оқушылардың оқу күнін ұйымдастыруды, қашықтан оқытудағы қосымша ресурстар, балаға қашықтан оқу үшін қажетті құрылғылар, санитарлық-эпидемиологиялық шаралардың жүргізілетіндігін және т.б. да көптеген мағлұматтар беріп, түсіндірме жұмыстарын жүргізді.

Ал директордың оқу-әдістемелік жөніндегі орынбасары Дюсенбаева Л.С. - 2020-2021 оқу жылында оқыту жүйесі DARYN.ONLINE платформасында жүзеге асатындығын, платформаның ерекшелігі мен пайдасы және т.б. жөнінде сөз қозғаса, директордың тәрбие ісі жөніндегі орынбасарлары Мырзашева Э.Н., Темирбаева Қ.Х. - қашықтан оқытуды ұйымдастыру жөнінде ата-аналарды маңызды жадынамамен таныстырып, маңызды ақпараттармен бөлісті.

#БҚО #Оралқаласы #44мектепгимназиясы @bqobilim @batys_kz @uralskakimat @edu_news_qz @oral_bilim @abat_shynybekov @oral_ovp @up_uralsk @batys_kz