Д. Қонаев атындағы №44 мектеп-гимназиясында Наурызнама жоспарына сәйкес 3-11 сыныптарға «Ұлыстың ұлы күні әз Наурыз» шарасы өтті. Жоспарға сәйкес 3-4 сыныптарға 16 наурыз, 5-6 cынып және 7-8 сыныптарға 17 наурыз, 9-11 cыныптарға 18 наурыз күні өткізілді.

Мақсаты: оқушыларға қазақ халқының ұлттық құндылықтарын, салт-дәстүрін насихаттау. Наурыз мейрамының тарихи және тәрбиелік маңызын түсіндіре отырып, жас ұрпақтың бойында патриоттық сезімін қалыптастыру, ұлттық мәдениетке деген құрметін арттыру, бірлікке, татулыққа тәрбиелеу.

«Айкөркем» би ансамбілінің өнерімен ашылған салтанатты жиында мектебіміздің музыка пәні мұғалімі Қалымбет Гүлмира Сансызбайқызы шәкіртімен бірге сазды әуен орындап, ертегі кейіпкерлері қонаққа келді. Қазақ тілі мен әдебиеті пәні мұғалімі Каймуллина Толкын Әлібекқызы аластау рәсімін өткізіп, музыка пәні мүғалімі Калиев Коблан Балтаұлы Қыдыр ата образында бата берді. Оқушылар асық ату мен арқан тарту ойындарын ойнап, жеңімпаздар мектеп әкімшілігі тарапынан тәтті сыйлықтармен марапатталды.

Шараның соңында ұлттық дастарханнан дәм татып, спорт залда құралған киіз үйдің ішінде естелік суретке түсті.