Д.Қонаев атындағы №44 мектеп-гимназиясында «Адал азамат» біртұтас тәрбие бағдарламасы негізінде Наурыз «Тәуелсіздік және отаншылдық» құндылығын дәріптеу мақсатында «Шабыт» жобасы аясында көктем – нәзіктіктің, сұлулықтың, жаңару мен шабыттың мезгілі мен 8 наурыз – Халықаралық әйелдер күніне орай ерекше сәні мен мәні жарасқан «Гимназия аруы 2026» байқауы өтті.

Байқау бірнеше кезеңнен тұрды:

1.«Қыз - өмірдің қызғалдағы» - ұлттық киім дефилесі;

2.«Тегімді менің сұрасаң..» - өзін-өзі өлең шумақтарымен таныстыру;

3.«Өнерлінің өрісі кең» - еркін тақырыптағы өнер көрсету;

4.«Білімді мыңды жығар» - сұрақ-жауап;

Байқаудың басында қатысушы қыздар арнайы дайындаған биімен шығып, дефиле кезеңін көрсетті. Әр оқушы өнерін ортаға салып, біреуі мың бұрала билеп, екіншісі әсерлі өлең оқып, үшіншісі домбыра күйін күмбірлетсе, тағы бір қатысушымыз қойылым қойып көрермендерді шеберлігімен тәнті еткен болатын. Сұрақ-жауап кезеңінде «Қазіргі заман аруы қандай қасиетке ие болуы керек?» немесе «Өз мектебіңіздің тарихында қандай атпен қалғыңыз келеді?» деген сынды сұрақтар қойылды. Қатысушы 9-10 сынып қыздары мүдірмей жауап беріп, әділ қазылар алқасының көңілінен шықты.

Байқау соңында Бас жүлде мен «Гимназия аруы 2026» тәжін 10 «А» сынып оқушысы Сәбит Аружан жеңіп алса, I орынды 10 «Г» сынып оқушысы Акрамова Алия еншіленді.