Орал қалалық білім беру бөлімі қыс мезгілінде  білім алушылардың  денсаулықтарын және қауіпсіздігін сақтау мақсатында қолайсыз ауа райы метеожағдайларында білім беру ұйымдарындағы оқу процесі қашықтан ұйымдастырылатынын хабарлайды:
Цельсий бойынша -25 градустан төмен және секундына 2 метр жылдамдықпен және одан жоғары жел соққан кездегі  суықта 1-4  сыныптарда;
-27 С және секундына 2 метр жылдамдықпен және одан жоғары жел соққан кездегі  суықта 1-9 сыныптарда;
-30 С және секундына 2 метр жылдамдықпен және одан жоғары жел соққан кездегі  суықта 1-11 сыныптарда. 

Ауа райының өзгеруі және сабақ өткізудің тоқтатылуы туралы мәлімет таңертеңгі сағат 6.45-8.00 аралығында, түскі мезгілде 11.45-13.00 аралығында «Aqjaiyq» телеарнасының жүгіртпе жолы, 169 телефоны немесе білім бөлімінің  сайты, әлеуметтік желідегі  парақшалары арқылы хабарланады.