Мектебімізде мұғалімдерге арналған ReadX форматындағы «Book time: оқу уақыты» атты танымдық іс-шара ұйымдастырылды. Шараның мақсаты – педагогтер арасында кітап оқу мәдениетін қалыптастыру, кәсіби ой-өрісті кеңейту және рухани дамуға ықпал ету.
Іс-шара барысында тарих бірлестігінің мүшелері Алиев С.З., Зайнуллина Н.С., Сайлауов А.С., Зәкір Ш.Т., Мұхтар Ә.Р  өздері оқыған кітаптарын әріптестеріне ұсынып, мазмұны, тәрбиелік мәні және кәсіби қызметтегі маңыздылығы туралы ой бөлісті. Ұсынылған әдебиеттер мұғалімдер арасында қызығушылық тудырып, мазмұнды пікір алмасуға мүмкіндік берді.
Кездесу мұғалімдердің оқуға деген ынтасын арттырып, шығармашылық байланысын нығайтты. Алдағы уақытта да мазмұнды шаралар жалғасын таппақ.