Д.Қонаев атындағы 44 мектеп-гимназиясында 6 наурыз күні 8 наурыз Халықаралық әйелдер күніне орай «Көреген ене, ибалы келін» сайысы өтті.

Сайыс мақсаты: Отбасы құндылықтарын дәріптей отырып, халқымыздың ұмыт болып бара жатқан дәстүрлерін насихаттау. Әр отбасындағы ене мен келін орнының маңызын, отбасының ұйытқысы екендігін ұғындыру.

Халқымыз ежелден қыз баланың тәрбиесіне ерекше көңіл бөлген. Себебі қыз бала, ең алдымен, ұлтымыздың айнасы. Болашақ ана. Бір шаңырақтың берекесін келтірер сүйікті келін. «Келін – ененің топырағынан» дейді дана халқымыз. Расында, отбасының ұйытқысы ене мен келін арасындағы мызғымас қарым-қатынаспен, сыйластықпен тығыз байланысты. Осындай асыл қасиеттерді өмірлік мақсат еткен қатысушылар:

1. Орыс тілі бірлестігі: Ақмарал Максутовна және Румия Оқасқызы;

2. Ағылшын тілі бірлестігі: Айгүл Нұғманқызы және Айкөркем Абайқызы;

3. МИФ бірлестігі: Сандуғаш Шарапқызы және Альфия Қайратқызы;

4. Қазақ тілі бірлестігі: Ләззат Ғалымқызы және Назерке Әлібекқызы;

5. Бастауыш бірлестігі: Таңжұлдыз Әлеуметқызы және Жадыра Огисовна;

6. Жаратылыстану бірлестігі: Лолита Талапқызы және Гүлфариза Өмірбекқызы;

7. Тәрбие бөлімі: Құралай Хабибуллақызы және Шынар Талғатқызы.

Сайыс кезеңдері:

1 – кезең: «Мен қазақтың келіні,анасымын...» (әр жұптың өздерін креативті түрде таныстыруы).

2 – кезең: «Өнермен өрге жүзерміз» (Біріккен түрде өз өнерлерін көрсету: ән, би, көркем сөз, аспаптың түрінде ойнау, фокус, т.б).

3 – кезең: «Салт-дәстүрім – таусылмайтын байлығым» (Ұмыт боп бара жатқан салт-дәстүр бойынша көрініс, қойылым).

4 – кезең: Жағдаят сұрақтар.

Әділ-қазылар шешімі:

Бас жүлде - Ләззат Ғалымқызы, Назерке Әлібекқызы.

1-орын - Айгүл Нұғманқызы, Айкөркем Абайқызы.

2-орын - Құралай Хабибуллақызы, Шынар Талғатқызы.

3-орын - Таңжұлдыз Әлеуметқызы, Жадыра Огисовна.

Басқа қатысушылар алғыс хаттармен марапатталды.

ҚҰТТЫҚТАЙМЫЗ!!!?????????

Келіндердің енесіне жасаған әр әрекеті – өзінің енелік өмірінің кірпіші. Көркем келінге қол жеткізгісі келген әр әйел заты өз енесіне қолынан келген құрметті аямау керектігін түсіне алды деген сенімдеміз.