2020 жылғы 22 ақпан күні Орал қаласы әкімдігі білім беру бөлімінің мектептен тыс жұмыс орталығы өскелең ұрпақты рухани-адамгершілік, эстетикалық тәрбиелеу, тұлғаның үйлесімді дамуы, өз ойын білдіру, әлемді эстетикалық және бейнелі тану факторы ретінде балалар мен жастардың театр шығармашылығын қолдау және дамыту, өзін-өзі таныту қабілеттерін қалыптастыру және дамыту мақсатында «Театрдың ғажайып әлемі» театр өнерінің қалалық фестиваль-байқауын ұйымдастырды.
Фестиваль-байқауға №12 ЖОББМ Ә.Кекілбаевтың «Көкбөрі» қойылымын, №34 А.Тайманов атындағы МГ А.Кончаловский, М.Бегалиннің «Песнь о Маншук» қойылымын, №35 МЛ «Бременские музыканты» ертегісін, Д.Қонаев атындағы №44 мектеп-гимназиясы Сәбит Досановтың «Тозақ шеңбері» қойылымын (Жетекшісі - Макашева Эльмира Жумажановна), №47 ЖОББМ Бердібек Соқпақбаевтың «Менің атым Қожа» қойылымын, МТЖО «Не совместимы дети и война» әдеби-театрландырылған қойылымын қойып, өз бақтарын сынады.
Байқау қатысушыларының әртістік өнеріне тәнті болған көрермендер сахнадағы трагедия кейіпкерлерінің іс-әрекеттеріне қосыла жылап, әзіл-оспаққа толы комедиялық қойылымдарда рахаттана күліп жатты.
Х.Бөкеева атындағы және А.Н.Островский атындағы облыстық драма театрларынан келіп әділқазылар алқасы құрамында жас әртістер өнеріне қазылық еткен Түменов Салауат, Свинцова Галина сияқты актерлер де көркем шындықты шынайылықпен жеткізуге тырысып жатқан өнерпаздардың өнеріне таң-тамаша болғандарын айтып, ризашылықтарын жеткізді.
Байқау қорытындысы бойынша Д.Қонаев атындағы 44 мектеп-гимназиясы ЖҮЛДЕЛІ 2-ОРЫНҒА ие болып, ОБЛЫСТЫҚ БАЙҚАУҒА жолдама алды. Сонымен қатар, 10-сынып оқушысы, оқушылар президенті Махсот Еламан "Ең үздік ер адам рөлі" номинациясы бойынша арнайы дипломмен марапатталды. Жетекшілік еткен Эльмира Жұмажанқызына және оқушыларға АЛҒЫС БІЛДІРЕМІЗ! Облыстық байқауға СӘТТІЛІК!!!
#БҚО #Оралқаласы #44мектепгимназиясы @batys_kz @uralskakimat @abat_shynybekov @bqobilim @oral_ovp
