44 мектеп-гимназиясында 8 қаңтар күні "Ата-аналар жиналысын өткізудің әдіс-тәсілдері" тақырыбында сынып жетекшілер мен кураторларға арналған семинар өткізілді.
Семинар мақсаты: Сынып жетекшілер мен кураторларға ата-аналар жиналысын өткізудегі әдіс-тәсілдерді меңгерту.
Семинар барысында ДТІЖО - Эльмира Набиоллақызы мектеп ұжымына әртүрлі қызықты тапсырма бере отырып, ұжымды ұйымшылдық пен бірлікке, ынтымақты ортаға қалыптастыру мақсатында "Тимбилдинг" ойынын ұйымдастырды. Сонымен қоса, ата-аналар жиналысы не үшін өткізіледі, ата-аналарды жиналысқа шақырудың тиімді әдіс-тәсілдері, ата-аналар жиналысында ескертетін жайттар, ата-аналар жиналысын өткізуге арналған жоспар, жиналысқа дайындалу тақырыптары аясында түсіндірме жұмыстарын жүргізді.
Осы тақырып негізінде сынып жетекші Таңжұлдыз Әлеуметқызы - "Бала тәрбиесіндегі әкенің рөлі" тақырыбында, куратор - Шынар Талғатқызы "Ата-ана мен бала арасындағы мейірімділік" тақырыбында ата-аналар жиналысын өткізуде қолданылатын әдіс-тәсілдерді тәжірибе жүзінде көрсетіп, әдіс-тәсілдерді қолданудың маңыздылығын аша білді.
Семинар соңында ДТІЖО - Құралай Хабибуллақызы жұмыс барысында туындайтын әртүрлі мәселелер жайында сөз қозғап, толыққанды мәлімет берді.
#БҚО #Оралқаласы #44мектепгимназиясы @batys_kz @uralskakimat @abat_shynybekov @bqobilim @oral_ovp