31 шілде мен 3 тамыз аралығында Д.Қонаев атындағы 44 мектеп-гимназиясының 9-сынып оқушылары “Рахат” күркелі лагерінің 7-ауысымында қызықты сәттерге толы керемет демалыс өткізді.
Оқушыларымыз әр түрлі бағыттағы спорттық сайыстарда, өнер мен білім додаға түскен шығармашылық байқауларда үздік нәтиже көрсетіп, командалық есепте жүлделі 1-орынды иеленді.
Оқушылардың қызығушылықтарын оятқан танымдық, спорттық, эстафеталық, шығармашылық сайыстармен қатар лагерь барысында төтенше жағдайлардың алдын алу, алғашқы көмек көрсету, құқықбұзушылықтың алдын алу тақырыптарында түсінік жұмыстары, практикалық сабақтар жүргізілді.
Оқушыларға ерекше демалыс сыйлаған “Рахат” күркелі лагерінің ұжымына зор алғысымызды білдіреміз!
