🔹1 маусым - Халықаралық балаларды қорғау күніне және оқу жылының аяқталуына орай Дінмұхамед Қонаев атындағы 44 мектеп-гимназиясында “Болашаққа бірге” салтанатты жиыны өтті.

🔹Өмір деген үлкен жолда

Ақ жол тілеп, бақ тілеп

Өмірде өшпейтін іс - балаға берген білімің, мейірімің, қамқор пейілің. Ол - болашақ. Болашақтың бүр жарған сабағына, құйған білім нәрі мәңгілік деп алғашқы сөз мектеп директоры Тлекенова Бибігүл Сәуірқызына берілді. Мектеп директоры мектеп ұжымын, ата-аналарды, жас түлектерді оқу жылының аяқталуымен және балаларды қорғау күнімен құттықтап, алдағы ұлттық бірыңғай тестілеуге сәттілік тіледі. 

🔹Салтанатты жиынға айтулы мерекемен құттықтай келген Орал облысы әкімінің орынбасары Бақытжан Нарымбетов Хаберұлы жаңа білім беру жүйесіне тоқталып, мектеп бітіруші 78 жас түлекке сәтті сапар тілеген болатын.

🔹Салтанатты жиын барысында мектеп бітіруші жас түлек, республикалық жас ақындар мүшайрасының жүлдегері Елхан Өмірхан алтын ұя мектебінің ұстаздарына алғысын білдіріп, өз туындысынан өлең шумақтарын арнады.

🔹Ұлттық құндылықтарымызды дәріптеу мақсатында жас түлектер “Айкөркем” би ансамблімен бірге арнайы композициялық билерін ұсынып, жұртшылықты тамсандырды. Кейін білім нәрімен сусындатқан ұстаздарына гүл шоқтарын табыстап, алғыстарын білдірді.

🔹Салтанатты жиын соңында ардақты ұстазымыз Қобылан Балтаұлының сөзіне жазылған гимназия гимні орындалды. 

🔹 Құрметті, жас түлек! Ендігі сәтте өз өмір кемеңіздің желкенін еш уақытта түсірмеу үшін, сіздің бойыңыздан білім, мен білік, батылдық табылатынына сенгіміз келеді. Сіз ата-бабамыз армандаған мәңгілік болашақтың бүгінгі жас құрылысшы екеніңізді еш уақытта естен шығармаңыз. Қанаттарыңыз талмай, қалықтай беріңіздер!

🔹Сәт сапар, сіздерге, Жас түлектер!✊✊✊✊