5 қыркүйек күні Батыс Қазақстан облысы жастармен жұмыс жөніндегі ресурстық орталығының ұйымдастыруымен «Батыс Қазақстан облысы өзін-өзі басқару ұйымы президенттерінің клубы» құрылып, алғашқы отырысы өткізілді.

Кездесу барысында мектеп президенттері түрлі ұсыныстарды ортаға салды. Соның ішінде эко-жобалар, зияткерлік ойындар, білім додалары мен ғылыми жобалар ұйымдастыруды ұсынды.

​Жоғарыда айтылған ұсыныстардың барлығы алдағы уақытта жоспарға енгізіліп, жаңадан құрылған президенттік клуб мүшелерімен бірлесе отырып атқарылатын болады.

Алдағы уақытта мектеп президенттерінің бойында азаматтық белсенділік, жауапкершілік дағдыларын дамыту, өзіндік ойлау мен өзіндік сана-сезімді, көшбасшылық мінез-құлық дағдыларын, ұйымдастырушылық білімді, іскерлікті, ұжымдық және басшылық қызмет дағдыларын бойларына дарыту бағытында құрылған өзін-өзі басқару ұйымы президенттерінің клуб мүшелері нақты іс-шара жоспарын талқылады.

Ең алғашқы іс-шара болып мектептер арасында достық қарым-қатынасты нығайту, спорт бағытындағы жаңашылдықты арттыру мақсатында волейбол, футбол ойындарын өткізу мақсатындағы облыстық «Мектеп лигасы» спартакиадасының ашылуы, фан-клубтар мен черлидерлер тобын құру енгізілді.

Отырыс барысында ортақ шешім қабылданып, президенттер клубының жетекшісі болып «Жастар бастамаларын қолдау» бөлімінің басшысы - Назерке Дидарқызы тағайындалды. 

Д.Қонаев атындағы 44 мектеп-гимназиясының ұланбасы, 8 “Д” сыныбының оқушысы Бупина Инабат Нұрланқызы.