44 мектеп-гимназиясында 29 қараша күні "Ана тілім - мақтанышым, елдігім" атты қазақ тілі мен әдебиеті пәнінің апталығын қорытындылау мақсатында "Тілім менің - тірлігімнің айғағы" тақырыбында марапаттау кеші өтті.
Абай - қазақ руханиятының басты тұлғасы. Оның шығармасы қазақ жерінде жылдан жылға мұра болып ұрпақтан-ұрпаққа беріліп қана қоймай, әлем тілдеріне аударылып, ғаламға тарады.
Осы орайда
-"Дана мен даланы дәріптеген ақын", "Абайдың мұрасы - адамзат қазынасы" тақырыптарында 5-11-сынып оқушылары арасында эссе байқауы және "Абай әлемі жас суретшілер көзімен" атты сурет байқауына белсене қатысқан оқушылар жүлделі орындармен марапатталды.
-Облыстық Абай оқуларының жүлдегері атанып, Республикалық кезеңіне қатысқан, "Зерде" желілік қауымдастық шеңберінде 19 ЖОББМ өткен жер бесігін тербеген ақын, қаламы қарымды журналист, Жайықтың ақ самалы атанған Ақмаржан Таубаеваның туғанына 61 жыл толуына орай "Мен - Жайықтың перзентімін" атты Ақмаржан оқуларында 11 "В" сынып оқушысы Сәлімжан Аңсағаным 1-орынды иеленсе, Халенова Риза 3-орынды қанжығасына байлады.
-Қазақтың нұр тұлғасы, үш бәйтеректің бірі "Бейімбет Майлин шығармаларындағы ашаршылықтың ащы шындығы" тақырыбында дөңгелек үстелге белсенділікпен қатысқан оқушылар марапатқа ие болды.
-Қазақ ұлтының мақтанышына айналған Әбіш Кекілбаев шығармаларын жарыса оқып, 9-сынып оқушылары кітап сүйер қауымға RED-X форматында өткізілген шарада шығармаларды насихаттап, кейін оқушылар марапатталды.
-Сыршыл ақын, алып тұлға Сәкен Сейфуллин шығармашылығына терең бойлау, талдау мақсатымен "Қазақ әдебиетінің Ақсұңқары" атты оқырмандар конференциясында белсенсенділікпен қатысқан оқушылар алғыс хатқа ие болды.
Тіл - ұлттың жаны. Еркін елдің болашағы кемел білім мен ана тілінде екенін ұмытпайық. Қазақ тілі мен әдебиеті пәні мұғалімдеріне шәкірт тәрбиелеуде толағай табыс тілейміз!
#БҚО #Оралқаласы #44мектепгимназиясы #Анатіліммақтанышымелдігім #қазақтіліәдебиетіпәніапталығы
