?2022 жылдың 26 ақпан күні мектеп-гимназиямызда құндылыққа бағытталған тәрбие жұмысының жоспары бойынша “Адалдық алаңы” ұйымдастырылды. 

Оқушылардың бойына академиялық адалдық қасиеттерін сіңіру, әдептілікке, әділеттілікке баулу мақсатында мектебіміздің І қабатында "Адалдық дүкені" ашылды. Яғни, әр оқушы сатушысы болмайтын дүкеннен өзіне қажетті тауарды белгіленген құны бойынша сатып алып, ақшасын арнайы кассаға салады. Адалдық дүкеннен қажетті тауарын сатып алған оқушы ешқандай қулыққа немесе қиянатқа жол бермей, өзін-өзі адалдыққа, әділеттілікке тәрбиелей алады деген сенімдеміз! 

 

Бұл жұмысты жасаудағы мақсатымыз оқушылар арасында сенім мен адалдықты қалыптастыру болатын. Сенім мен адалдыққа негізделген аталмыш шараға оқушылар қызығушылық танытты. Оқушылар өздеріне өздері қызмет жасайды. Оқушылардың арасында сыбайлас жемқорлықпен қарсы күрес мәдениетін қалыптастыру мақсатындағы жұмыстар әлі де жалғасын табатын болады.