⚜️Биыл еліміз үшін ерекше жыл. Егемендік алғанымызға 30 жыл толып отыр. Бірақ арада қаншама жыл өтсе де біз тарихымыздағы ұлт қайраткерлері мен батырларымыздың ерлігін ұмытпауымыз керек.
Дінмұхамед Қонаев атындағы №44 мектеп-гимназиясында “Тәуелсіздік - ұлы дала ұрпақтарына аманат” атты 1-11 сыныптар арасында бірыңғай ашық тәрбие сағаттары өтті.
Тәрбие сағатының басты мақсаты - Тәуелсіздіктің 30 жылдық мерейтойының маңыздылығын оқушыларға жеткізу, “Тәуелсіздік” ұғымының қадірлі де қасиетті екендігін айту.
Тәрбие сағаты барысында оқушыларға ел Тәуелсіздігінің 30 жыл ішінде қол жеткен жетістіктері, еліміздің саяси-әлеуметтік ахуалы, білім мен мәдениет, тарих, рухани құндылықтар, ел бірлігі мен тыныштығы туралы келелі сөздер айтылды. Балалар да ерекше қызығушылық танытып, белсенді түрде қатысты.
Орал Қаласының Білім Бөлімі
