▪️Дінмұхамед Қонаев атындағы №44 мектеп- гимназиясында 6-10 желтоқсан күндері «Тәуелсіздік-тұғырым!» атты тарих апталығы өткен болатын. 

Мақсаты: Оқушыларға еліміздің тәуелсіздік алғалы жеткен жетістіктерімен таныстыру, білімдерін кеңейту; Отанды сүюге, ел байлығын қорғауға, болашақ Отанымыз Қазақстанды өркендетуге білімді адамдар керек екенін ұғындыру; Бүгінгі тәуелсіздікке қалай қол жеткенін зерделеу, оларды Отаны үшін отқа түсетін ел жанды азамат етіп тәрбиелеу.

Осы апталық барысында оқушыларымызға сыныптан тыс түрлі шаралар ұйымдастырылды. Әр сайыс нәтижесі бойынша жеңімпаздар марапатталды.

 

▪️Сонымен қатар “Тәуелсіздік - елімнің ерлік жолы” атты тақырып аясында тарих ғылымдарының кандидаты Жаңабек Жақсығалиұлының қатысуымен 10 желтоқсан күні танымдық кеш өткізілді. Кездесуді тарих пәнінің мұғалімі Хамзин Жеңіс Какибайұлы жүргізді. Танымдық кешке 9-11 сынып оқушылары қатысты. Алдымен «Тәуелсіздігімізге 30 жыл» атты бейнебаян көрсетіліп, оқушылармен сұхбат жүргізілді. Сұхбат барысында Жаңабек Жақсығалиұлы сонау ғұн империясынан бастап қазіргі кезеңге дейінгі тарихтың кезеңдеріне тоқталып өтті. Қазақстанның дамуындағы әр кезеңге нақты тоқталып, оқушылардың қойған сұрақтарына жауап берді. Кеш соңында Жеңіс Какибайұлы қонағымызға мектеп әкімшілігі мен өз атынан алғыс айтып, ризашылығын білдірді.