✍️2021 жылдың 17 қараша күні Дінмұхамед Қонаев атындағы №44 мектеп-гимназиясында “Жазу миссиясы - ой еркіндігі” тақырыбында "БҰРШАҚ" шығармашылық бірлестігімен әдеби-танымдық кездесу кеші өткізілді. Алматы қаласынан келген арнайы қонақтар кездесу барысында оқушылардың сұрақтарына жан-жақты жауап беріп, өз шығармашылықтарымен бөлісті. Елбасының «Болашаққа бағдар: рухани жаңғыру» мақаласында көрсетілген басты мәселелердің бірі – ұлттық код, ұлттық ерекшелік, ұлттық құндылықтар екендігі белгілі. Бүгінгі күні ұлттық болмысымыз бен төлтума мәдениетімізді, рухани құндылықтарымызды сақтап, жаһандану үдерісінде бет-бейнемізді жоғалтпай жас ұрпаққа ұлттық құндылықтарымызды сабақтастықпен жеткізу - біздің борышымыз десек, бұл ретте қаламын қару еткен қаламгерлердің орны ерекше. Осы мақсатта ұйымдастырылған әдеби-танымдық кездесу кешіне оқушылар аса қызығушылықпен қатыса отырып, өнерлерін де ортаға салды. ✍️Шара соңында жас қаламгерлер Ақжайық өңірінен алған әсерлерімен бөлісіп, мектебімізге өз қолтаңбаларын қалдырды. Орал Қаласының Білім Бөлімі