Қыркүйек айының 25-і күні Дінмұхамед Қонаев атындағы №44 мектеп-гимназиясында Қазақстан Республикасы тәуелсіздігінің 30 жылдығы мен “Ұстаз - мектептің жүрегі” мұғалімдер күніне арналған 10 күндіктің жоспары бойынша ұжым мүшелері арасында “Кім мықты?!” атты спорттық бағдарлау жарысы өтті. ⛳️Спорттық жарысқа “Бастауыш”, “Қазақ тілі мен әдебиеті”, “Орыс тілі”, “Ағылшын”, “Тарих”, “Математика мен информатика”, “Жаратылыстану”, “Технология”, “Өзін-өзі тану” бірлестіктері қатысып, өздерінің жылдам, епті, ұйымшыл екендіктерін көрсетті. ?Спорттық жарысымыздың қонағы облыстық балалар мен жасөспірімдер туризм және экология орталығының “Спорттық бағдарлау” бөлімінің меңгерушісі Нурманов Райлян Ерсаинович жарыс ережесімен таныстырды. ?Жарыс заңы ежелден Жеңімпазды анықтау - демекші жарысымыздың шарттары бойынша қорытынды шығарылып, жеңімпаздар анықталды. Нәтижесінде, “Ағылшын тілі” бірлестігі 1-орын, “Бастауыш” бірлестігі 2-орын, “МИФ” бірлестігі 3-орынға ие болды. Сонымен қатар, қыздар арасында “МИФ” бірлестігінен 21 жастан жоғары Шарипова Альфия, “Бастауыш” бірлестігінен 31 жастан жоғары Умбетова Жадыра үздік деп танылды. Ерлер арасында Қадырболатов Аманатқа 1-орын, Туребаев Аргенге 2-орын, Баян Айболатқа 3-орын бұйырды. Барша жеңімпаздар диплом, медаль және арнайы сыйлықтармен марапатталды. ҚҰТТЫҚТАЙМЫЗ!? ⛳️Спорт - көркі өмірдің, Спорт - досың, серігің. Жаттықсаң шымыр боларсың, Шынығып, өсіп толарсың - демекші салауатты өмір салтын ұстанып, спортты серік етейік.