Дінмұхамед Қонаев атындағы №44 мектеп-гимназиямыздың жан-жақты оқушылары кезекті жетістіктерімен қуантты. ✅”Жас жол инспекторы” қалалық слетіне мектеп-гимназиямыздан “Бағдаршам” командасы қатысып, жүлделі 1 орынға ие болып, жеңіс тұғырынан көрінді. 🥇🏆 🔰Орал қаласында “Гауhар жолы” ҚБ қолдауымен, Батыс Қазақстан облысы әкімдігі білім басқармасы Орал қаласы білім бөлімінің “Оқушылар сарайы” МКҚК ұйымдастыруымен, 20-25 қыркүйек аралығында ЖЖИ слеті өткізілді. “БҚО қауіпсіз жолдары” жобасы аясындағы ЖЖИ слетіне қала мектептерінің 7-8 сынып оқушыларынан құралған 42 команда қатысты. 🔰Слеттің мақсаты - жол қозғалысының заңға бағынатын қатысушыларын тәрбиелеу, балалардың жол-көлік жарақаттарының алдын алу, оқушылардың салауатты және қауіпсіз өмір салты мәдениетін қалыптастыру. ✅”Бағдаршам” командасы бес кезеңді сайыста бақ сынады. Атап айтсақ, “Дайын бол” саптық дайындық байқауы, “Абайлаңыз, велосипедші” жол қозғалысы ережелері бойынша велосипедшілердің интерактивті байқауынан өтіп, «Жол қозғалысы ережелерінің білгірлері» кезеңінде жаяу жүргінші мен велосипедшінің жол қозғалысы ережелері бойынша тест тапсырды. Сонымен қатар команда капитаны «Жол білгірлері» сайысынан өтті. «Егер Біз болмасақ, кім?» тақырыбында әлеуметтік эксперименттік ролик түсірді. “Бағдаршам” командасы уақыттың тапшылығына қарамастан бар білгендерін көрсетіп, мектеп намысын абыроймен қорғады. ✅Топ жарып, гимназиямыздың мерейін асқақтатқан оқушылар мен дайындаған жетекші ұстаздарын жеңістерімен құттықтаймыз! Алдағы уақытта да жүлделі орындарды қанжығаларына байлап, биіктен көріне берулеріңізге тілектеспіз! Жарайсыздар!!!