№44 мектеп-гимназиясында "Армысың, алтын күз" апталығының аясында 9-11-сыныптар арасында «Арайлы алтын күз» атты күзгі бал кеші өтті.
Күзгі бал кешінің мақсаты: Оқушылардың ұйымшылдығын, қызығушылығын арттыру, ой-өрісін кеңейту, мәдениет пен өнерге баулу. Күз ханзадасы мен ханшайымын анықтау.
Бал биі - би кештерінде жұптасып немесе көп кісі болып билейтін би. Алғаш Италияда 14 ғасырда пайда болды. Кейін Францияға тарады да, 16-17 ғасырларда Франция бұл бидің шын мәніндегі отанына айналды. Бал биі әр елде түрлі ұлттық өрнекке ие болып, үздіксіз өзгеріп отырды екен.
Ал 44 мектеп-гимназиясында өткен күзгі бал кешінде гүлдей жайнап сап түзеген кешкі бал көйлегін киген қыз балалар мен смокинг киген жігіттер әсем әуеннің ырғағында дөңгелене вальс билеп, барша көрерменді таң-тамаша етті. Күзгі бал – қатысқан әрбір жанға сиқырға толы ғажайып әсер қалдырғаны шындық. Жоғары деңгейде ұйымдастырылып, өткізілген бал "Күз ханзадасы мен ханшайымын" анықтаумен аяқталды.
"Күз ханзадасы" - 11 "Б" сынып оқушысы Коныров Рысбек болса, "Күз ханшайымы" - 11 "Б" сынып оқушысы Борашева Лаззат атанды.
Берекелі, мерекелі алтын күз құтты болсын!
#БҚО #Оралқаласы #44мектепгимназиясы #Алтынкүз #күзханзадасыменханшайымы #2019