№44 мектеп-гимназиясында "Армысың, алтын күз" апталығының аясында 18 қазан күні 6-7-сыныптар арасында кітапханашылардың ұйымдастыруымен «Күз - көңіл сарайының айнасы» атты көркемсөз оқу сайысы өтті.
Күз - мереке, береке, молшылық айы. Әрбір мектепте осы күз мерекесін тойлау, кештер өткізу дәстүрге айналған. Сол дәстүрді жалғастыра отырып, әр ақын қосқан жырды жырлап, әнін шырқап тебірену мақсатында көркемсөз оқу сайысы оздырылды.
Сайыс шарты бойынша оқушылар ақындардың күз туралы шығарған өлеңдерін жаттап, мәнерлеп оқыды. Байқау қорытындысы бойынша 6"б" сынып оқушысы - Тыналиева Асем І-орын, 7"а" сынып оқушысы - Болат Камила ІІ- орын, 6"в" сынып оқушысы - Закидолла Көркем-ай ІІІ-орынды иемденді. Сонымен қатар, кеш қонағы Қадыр Мырза Әлі атындағы облыстық мәдениет және өнер орталығының әдіскері, айтыскер ақын Меңдіқұл Орынбек Нұрболатұлы «Күз», «Мектепке сағыныш» атты туындыларын оқушыларға тарту етсе, 6"г,д" сынып оқушылары Төлегенова Алина, Жақсыбай Гүлім керемет әндерін орындап, кештің көркін аша түсті. Шара соңы кітапханашы - С.Б.Меңдіғұлованың «Ардақты да, аяулы алтын күз» кітап көрмесін таныстыруымен аяқталды.
#БҚО #Оралқаласы #44мектепгимназиясы #Алтынкүзмәнерлепоқусайысы