? 14 маусым күні Д.Қонаев атындағы 44 мектеп-гимназиясының 20-түлектерін шығарып салу салтанатты жиыны өтті.
Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз 11 жыл оқып, ақыл, қайрат, білімді зерделеріне тоқып, мектеп қабырғасынан аттанды. Бүгінгі күн мектеп түлектері үшін ұмытылмастай боп әр жүректе қалатыны сөзсіз. ?
? Жиын барысында мектеп басшысы Бибигуль Сауровна қалалық, облыстық, республикалық көлемдегі олимпиада жеңімпаздарын, спорт жеңімпаздарын, музыка саласының дамуына үлес қосқан жеңімпаздарын, қолөнер бойынша облыс және республика көлеміндегі жеңімпаздарын, республикалық "Елбасы медалі" жобасының қола медаль иегерлерін, облыстық ғылыми жоба жеңімпаздарын, актерлік шеберлік бойынша қалалық, облыстық жеңімпаздарын, облыстық, халықаралық мәнерлеп оқу жеңімпаздарын, "Үздік оқушы" номинация иегерін құттықтап, жас түлектерге сәттілік тіледі. ? Қалалық білім беру бөлімінің бас маманы Тулешова Майнер Тлековна "Алтын белгі" мен "Үздік аттестат" иегерлерін марапаттады. ?
Қоштасады алтын ұя мектебің
Маңдайыңнан сипап өтер көкте күн.
"Сәт сапар" деп қол бұлғаймыз бәріміз,
Тілейміз біз арманға бір жеткенін деп, жас түлектерге Ұлттық бірыңғай тестілеуді табысты тапсырып, жаңа өмірлеріне Ақ жол, сәт сапар тілейміз. ❤???❤
