44 мектеп-гимназиясында жазушы, республикалық деңгейдегі ХХІ ғасыр «Ғажайып әйел» байқауының «Үздік әңгіме» номинациясының бас жүлдегері, Халықаралық V «Шабыт» шығармашыл жастар фестивалінің лауреаты, ҚР Мәдениет және ақпарат министрлігінің «Құрмет Грамотасының» иегері, облыстық қоғамдық-саяси «Жайық үні» газетінің бас директоры, бас редакторы «Мира Шүйіншәлиеваның сыр әлемі» атты кездесу кеші өтті.
Кездесу кешінің мақсаты: «Әркімнің өз дара жолы бар» оны кәсіби шеберлікті шыңдауда ойы мен сөзі бар және ісінен айқын көрініп тұратынын, өзі үшін емес өзгелер үшін, жас ұрпаққа және әріптестеріне, еліне, ұлтына берер пайдасы туралы дәріптеу. Әркімнің дара жолды өзі салады, ал оны сала білу әркімнің өз қолында екенін ұғындыру.
Мира Шүйіншәлиеваның 2003 жылы «Махаббат бағы» атты тұңғыш кітабы, «Шүберек қуыршақ» (2006), «Жүректегі құпия» (2009) атты жинақтары, «Қос ішек – Струны душы» (2000), «Ақжелкен» (2001), «Жыр Жайық» (2003) әңгімелері, «Жайықтың мөлдір сырлары» атты ұжымдық жинағы және т.б. еңбектері бар.
Сәбикүндер, бала күндербаяғы,
Қайдан енді бізге құшақ жаяды.
Үйге кірмей, ойынға да тоймастан,
Жеп те кейде алар едік таяқты, дегендей шара барысында Мира Шүйіншәлиеваның балалық шағы, ата-анасы, сабақ үлгерімі, сол кездегі оқушылар туралы ойы, мамандық таңдауға не әсер еткені және студенттік өмірі жайында әңгіме қозғалды. Сонымен қатар студенттік кезде бірге оқыған 44 мектеп-гимназиясының тәжірибелі де, білікті ұстаздардың бірі Ләззат Ғұбайдоллақызына сөз беріліп, сансыз пікірлер мен лебіздер тыңдалды.
#БҚО #Оралқаласы #44мектепгимназиясы #МираШүйіншәлиеваменкездесукеші