Д.Қонаев атындағы 44 мектеп-гимназиясында 27 сәуір күні сағат 12:30-да ? «Білім сапасына мұғалімнің ықпалы» тақырыбында zoom платформасы арқылы пән мұғалімдерімен вебинар өтті.
? Мақсаты: Білім алушылардың білімдеріндегі олқылықтарды жою және білім сапасын арттыру,білім алушылардың үлгерімінің төмен болуына әсер ететін факторлар мен себептерді анықтау.
Вебинар барысында директордың оқу ісі жөніндегі орынбасары, модератор А.С.Нурекешова "Білім алушылардың білімдеріндегі олқылықтарды жою,білім сапасын арттыру" бағытында сөз қозғаса,   орыс тілі мен әдебиеті пән мұғалімі, модератор Ш.М.Зулкашева "Үлгерімді көтеру жолдары" тақырыбында ұтымды идеяларымен бөлісіп, жұмыстану жолдарын ұсынды. Топтық жұмыс барысында модераторлар Жаннатова А.К., Каюбалиева Г.Т., Нурмуханбетова Д.У., Имангалиева А.Т., Елеу Т.Ш. пән мұғалімдерімен 5 топта білім сапасын көтеру мақсатындағы ұсынылған жұмыстарды ақылдаса отырып, тың ойлармен бөлісіп, жекелеген оқушымен жұмыс жаднамасын ұсынды.
? Вебинар соңында Д.Қонаев атындағы 44 мектеп-гимназиясының директоры Тлекенова Б.С. вебинарда білім сапасын көтеру бағытында маңызды, әрі құнды мәселелер айтылды деп қорытындылады.