2024 жылдың 25 қаңтар күні қалалық білім бөлімінің жоспарына сәйкес Д.Қонаев атындағы №44 мектеп-гимназиясында Тарих және жаһандық құзіреттіліктер бірлестігінде “Тарих пәнін оқытуда оқушылардың талдау және интерпретациялау дағдыларын дамыту” тақырыбында тарих пәнінің мұғалімдеріне арналған қалалық семинар ұйымдастырылды.
Семинар мақсаты: Тарих сабағында оқушылардың білімін дамыта отырып, талдай білу дағдысының және интерпретациялаудың тиімді жолдарын анықтау.
Семинарды мектеп директоры Б.С.Тлекенова ашып, қонақтарға сәттілік тіледі. Семинардың келесі бөлімінде пән мұғалімдері Хамзин Ж.К., Алиев С.З., Габбасова Э.Г ашық сабақ өткізіп, өз тәжірибелерімен бөлісті,қатысушылар сабақтарына оң бағасын беріп кері байланыс жасады.
Екінші бөлімде “Тарих пәнін оқытуда талдау және интерпретациялау дағдыларын дамыту” тақырыбында Ж.К. Хамзин шеберлік сынып өткізіп теорияны практикамен ұштастырып ,тыңдаушылардың ықыласына бөленді.
Семинар соңында қалалық білім бөлімінің тарих пәні бойынша әдіскері Л.А. Сайфетдинова сөз алып семинар жоғарғы деңгейде өтті деп қорытындыланды.
Шара соңында семинарға қатысушылар алған әсерлерімен бөлісіп, Д.Қонаев атындағы №44 мектеп-гимназия Тарих және жаһандық құзіреттіліктер бірлестігінің әдістемелік жетекшісі А.С.Сисеноваға және ұйымдастырушыларға алғыс білдірді.
