Д.Қонаев атындағы 44 мектеп-гимназиясының қазақ тілі мен әдебиеті пәнінің мұғалімдері Шамбилова Ж.У. және Куангалиева Г.М. ұйымдастыруымен 12 сәуір күні «Қорытынды аттестаттауға дайындық өз тәжірибемізден» тақырыбында zoom платформасы арқылы қазақ тілі мен әдебиеті пәні мұғалімдеріне қалалық семинар өткізді.
👩💼 Мақсаты: Эссе жазудың тиімді жолдарын тәжірибеде көрсету арқылы білім алушылардың оқу және жазу сауаттылықтарын арттыру.
👨🏫 «Қорытынды аттестаттауға дайындық өз тәжірибемізден» тақырыбында өткен қалалық семинарда қазақ тілі мен әдебиеті пәнінің мұғалімдері Жансила Умирзаковна, Гулзира Мендигалиевна өз тәжірибелерімен бөліскен болатын.
👩💻️ Куангалиева Гулзира Мендигалиевна 11-сынып оқушыларын эссе жазуға дағдыландыру бағытындағы жұмыстармен таныстырды.☝️Атап айтсақ, эссе тақырыптарын алдын ала оқушыларға бөліп беріп, жұмыстарды дескрипторға сай оқушылармен бірге талдау және эссе жазуда жиі кездесетін қателіктерді саралап, оны түзету жұмыстарын да бірлесе топта жүргізу өз нәтижесін беретіндігін айта келіп, дәлелі ретінде оқушы жұмыстарын көрсетті.
«ПОПС» формуласы да оқушының өз ойын нақты, сенімді жеткізу , дәлелмен сөйлеу қабілетін дамытатындығын да айта кетті. 👍👍👍
✍ Шамбилова Жансила Умирзаковна 9-сынып оқушыларын қорытынды аттестаттауға дайындауда қолданып отырған әдіс-тәсілдерімен, бағытымен таныстырды. Яғни қорытынды аттестаттауға енгізілген өзгерістерге орай жазба жұмыс түрлерінің (эссе, мақала, әңгімелеу) ерекшеліктері мен ұқсас тұстары туралы түсінік жұмыстарын жүргізді. Жазба жұмыстарын орындау үшін жұмыстану қадамдарын қолданатынын, жазуға дейінгі дағдылар, жазу кезіндегі дағдылар, жазудан кейінгі дағдылар. Оқушылармен бірге берілген мәтіндерді талдап, идеясын ашып, тезис жазуға, аргументтерді іріктеуге дағдыландыру үшін «Сегіз қырлы ой», «Тезистік жоспар», «ТАФТТ» әдістері тиімділігін атады. Мәтінде берілген жаңа ақпараттарды талдау барысында сегіз аспектіден проблемалық сұрақтар ойластырып, сұрақтарға жауап, дәлел жаздыратынын, жаңа материалды талдатып, қорытынды-тұжырым жасататынын және осы қадамдар оң нәтижесін көрсетіп келетінін атап өтті. 👍👍👍
👩🏫 Қалалық семинар барысында қатысушы мұғалімдер семинардан тың идеялар алып, жоғары дәрежеде бағалап, ұйымдастырушыларға алғыстарын білдірді. 😉✊👐
#БҚО #Оралқаласы #44мектепгимназиясы
