2021 жылғы 28 сәуір күні қалалық білім беру бөлімінің жұмыс жоспарына сәйкес "Ұлағат" желілік қоғамдастығының ұйымдастыруымен қала мектеп директорларының ғылыми-әдістемелік ісі жөніндегі орынбасарларына арналған  «Мұғалім – шынайы, шығармашыл,   құндылықтардың рухани көзі» тақырыбындағы семинар оздырылды.        
Семинардың мақсаты: қаламыздағы мектеп басшыларының әдістемелік ісі жөніндегі орынбасарларымен тәжірибе алмасып, жаңа педагогикалық идеяларымен бөлісу.
Шара Zoom платформасында телевизиялық бағдарлама форматында жүргізілді. Бағдарламаны Дінмұхамед Қонаев атындағы N44 мектеп-гимназиясы директорының ғылыми-әдістемелік жұмысы жөніндегі орынбасары Дюсенбаева Ляззат Серікбайқызы жүргізіп,
"Мұғалімдердің тұлғалық- әлеуметтік құзіреттіліктерін дамытудағы командалық топтар желісінің маңызы" тақырыбында жоба жұмысын таныстырды.
Бағдарлама қонақтары ретінде №37, N49, N50, Серебряково жалпы орта білім беретін мектептері мен  «№4 қосымша білім беру мектеп-орталығының» МДҒӘІЖ орынбасарлары қатысты.
Семинар барысында қатысушы мектептер  "Сіздің мектебіңіздегі жас мамандармен жұмыс жүйесі қалай жүруде?", "Тәлімгерлермен қандай жұмыстар жүргізілуде?", "Мектеп тренерлері қандай жұмыстар атқаруда?"
деген сұрақтарға жауап беріп жүргізіліп жатырған жұмыстардың бағыттары туралы баяндады. Семинарға қатысушы мектеп директорларының әдістемелік ісі жөніндегі орынбасарлары семинар туралы өз ойларымен бөлісіп, ТВ бағдарлама форматындағы шараның өте қызықты, креативті болғандығын атап өтіп, әріптестерінің жұмысына оң бағаларын берді.