Жоспарға сай Жамелова А.Т. 10 қазан күні 7Ә сыныбы, "Өнердегі заманауи стильдік бағыттарды зерттеу негізінде тәжірибелік жұмыс орындау.  Комикстер - заманауи өнердегі стиль" тақырыбында ашық сабақ өткізді.

Сабақтың барысында «Әр комикс кейіпкері өзінің арманымен және мақсаты арқылы ерекшеленді, оқушылар да “комикс бұлттарына” – өз армандарың мен тілектерін жазып, тақта алдында күн, аспан элементтері бар «Комикс аспаны» атты панноны безендіру арқылы мұғалім тапсырмасына сәйкес ортақ панно жасай алды.

«Комикс әлеміне саяхат» (Marvel, Manga,) бейнежазбасын тамашалап, өздеріне ұнаған стиль туралы өз ойларымен бөлісті.

Тәжірибелік кезеңде «Комикс пазл» әдісі бойынша Ы.Алтынсариннің «Әдеп» және «Бақшадағы ағаш» әңгімесі  суреттер түрінде бөлшектеніп және әңгіме мәтіні оқушыларға ұсынылған тапсырма оқушылардың көркем мәтінді логикалық тұрғыдан түсіну, оқиғалар байланысын анықтауға бағыттау мақсатында ұтымды әдіс болды.

Тәжірибелік кезеңнің 2-тапсырмасын орындау барысында оқушылар «Мен салған комикс...» тақырыбында өз жұмыстарын жалғастырып салып, шығармашылық қабілеттерін ұштады.

Сабақты қорытындылау үшін «Комикс көрмесі» ұйымдастырылып, сынып “галереяға” айналды

Әр оқушы өз жұмысын үстелге қойып, қысқаша түсініктеме жазып, басқалар қысқаша түсініктемесі бар жұмысқа пікір қалдырды. Нәтижесінде өзіндік талдау және сыныптастарының пікірін ескеру мәдениеті қалыптастыруға мүмкіндік болды.

Бұл сабақтың құралымы тиянақты, оқушылар сабақта белсенділік танытты, сабақ мақсатына жетті.