Д.Қонаев атындағы №44 мектеп-гимназиясының ағылшын тілі пәні мұғалімі Таукебаева Айжан Ибрагимовна. 2023-2024 оқу жылында 6 Д сыныбына «Lesson stydy» 4 рет зерттеу сабағын өттім.
- Means of transport
- Holidays and travel. Turgen gorge
- The wonderful Wizard of Oz
- Buildings above the clouds
Тізбектелген төрт сабағымыздың алғашқы сабағын жоспарлар алдында зерттеу тақырыбымыз бен оқу мақсатымызды ескеріп, оқушы деңгейіне сай тапсырмалар мен әдістерімізді саралап, сабақтың қысқа мерзімді жоспарын жасадық.
Сабақ барысында А/Б/С деңгейлі оқушыларды ескеріп, мұғалім бағыттаушы рөл атқарды. Сабақтан кейін кері байланыс жүргізіліп, А/Б/С деңгейлі оқушылардан интервью алынды. Топ мүшелері сабақтан кейін өткізілген сабақты зерделедік.
Талдау барысында ««Оқушы үнін» анықтау мақсатында «Сабақ барысы ұнады ма?», «Өз-өзіңді қалай бағалайсың?», «Сабақта қиындық тудырған тапсырмалар болды ма?» секілді кері байланыс сұрақтары беріліп отырды. Б/С деңгейлі оқушылардың өз ойларын еркін айтуға тырысып диолог құрып сөйлеуге дағдыланатынына көз жеткіздік. Оқушыларға құлақ салса, олардың да айтары бар екенін және айтқызып қана қоймай, олардың үнін назарға алғаныңды ескертіп отырудың тиімділігі мол. Олай дейтінім, алдыңғы екі сабаққа қарағанда 3, 4-сабақтарда оқушы үні ескерілгенін байқап, оқушылар сабаққа белсенді қатыса білді. Алдыңғы сабақтарға қарағанда белсенділік еркін ұстау сияқты қасиеттер байқалды. Бағалау өте тиімді шықты, өз ойларын айтып белсенділік байқалды.
