Ұжымның ішкі потенциалын пайдалана отырып мұғалімдерді бірлескен жұмысқа тарту, командалық әрекет шеңберінде өзара қарым-қатынасты қамтамасыз ету арқылы тұрақты дамуға мүмкіндік жасау мақсатында Lesson study тәсілімен тәжірибені зерттеу ұйымдастырылды.
Нәтижесінде 1-жартыжылдықтың өзінде 32 сабақ зерттелді, оған 8 топта 63 мұғалім бақылау жүргізіп 96 оқушыдан сұхбат алынды, 32 рет сабақ картасы сызылды, 32 сабаққа транскрипт жазылды, хронологиясы есептелді. Мұғалімдерден құралған командалар 32 рет бас қосып, сабақты жақсартудың тәсілдерін ойластырды, бұл өз кезегінде мектептің дамуына, корпоративтік мәдениеттің орнығуына, өзін-өзі оқытатын мектеп бағытында болуына ықпал еткені сөзсіз. Практикаға үнемі ерекше назар аударылатын болса, мұғалімдер қызмет барысында өзін жетілдіруді жалғастыра бермек, Lesson study топтары жүргізетін зерттеулер Іс-әрекеттегі зерттеулерге ұласуда.
