Тарих пәнін оқытудағы негізгі мақсат әлемдік дамудағы адамзаттың рөлін, ол жасаған бүкіләлемдік құндылықтардың қадірін білетін, Қазақстан дамуының тарихи тамырларын, қоғамдағы орнын түсінетін белсенді азаматтарды қалыптастыру болып отыр. Осы міндеттерді орындауда мұғалімдердің  қызметі ерекше болмақ. Тарих пәнін оқыту, ұрпақтар бойына дарыту көп ізденістерді, сан түрлі әдістемелік тәсілдерді қажет етеді. 18–21 сәуір күндері  мектебімізде «Тарих сабақтарында замануи әдіс -тәсілдерді   қолдану арқылы оқушылардың  қызығушылықтарын арттыру» тақырыбында семинар өткізілді. Мақсаты: Оқушылардың  жаңа замануи әдіс -тәсілдер арқылы танымдық қабілеттерінің белсенділігін арттыру, практикалық, шығармашылық жұмыстарды орындауда білім біліктерін,  ойлау қабілеттерін дамыту. Тарих пәнінің барлық мұғалімдері ашық сабақтар берді. Атап айтсақ Cенгалиева Н.М. 5 «А» сыныбында «Аттила және оның жаулаушылық жорықтары», Хамзин Ж.К. «Кеңестік білім жүйесінің жетістіктері мен қайшылықтары» тақырыбында 11 «Г» сыныбында , Нуртаева Ж.Н. 8 «Е» сыныбында «Қазақстандықтардың Ұлы Отан соғысына қатысуы», Габбасова Э.Г. «Жәңгір хан тұсындағы қазақ-жоңғар қарсылығы» тақырыбында ашық сабақтар өткізді. Сабақтарда мұғалімнің  оқушыларға өзіндік шығармашылықпен оқу іс- әрекетін ұйымдастырып және оқытудың «белсенді» әдісін қолдана отырып меңгерілу үрдісіне бақылау жасау, ерекше қарым – қатынасты ұйымдастыра отырып, көптеген әдістемелік тәсілдер қолданылды.  Осындай жоғарғы деңгейде ашық сабақтарды Артигалиев Б.Т. Сисенова А.С. Садыкова Ж.А. Убаев Б.И. Жардемова А.А. өткізді. Сабақтарда оқушылар шағын зерттеу мен шығармашылық – тәжірибелік жұмыстармен айналысып, зерттеу  арқылы жаңа білімдер – факті, заңдылықтар, ұғымдар, принциптер,теориялар,қалыптастырды. Оқушылардың тарихи ой - өрісін дамыту үшін  бірнеше әдіс – тәсілдерді пайдаланылды, проблемалық тапсырмалар, пікірталас, шығармашылық тапсырмалар, кескін карталар, атлас тапсырмалары, тарихи есептер, тарихи құжаттар, кестелер талданды.

«Тарих сабақтарында замануи әдіс -тәсілдерді   қолдану арқылы оқушылардың  қызығушылықтарын арттыру» тақырыбында семинардың жоспары