⚜ Сіздерді соңғы қоңырау мерекесімен шын жүректен құттықтаймыз! Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
⚜ Мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл-күймен жаңа оқу жылына оралуларына тілектеспіз.
⚜ Алғашқы қоңырау – балалық арманыңды жетелеп, бiлiм алып, мақсатыңды айқындауға шақырса, соңғы қоңырау үнi –  оң-солын танып, қанаттанған бозбала мен бойжеткендердi арман биiктерiне ұшырып, ең үлкен өмiр мектебiне шығарып салады.
⚜ Соңғы қоңырау – осындай қимас қоштасу әуенi сәтiмен ыстық. Түлектер өздерінің он бір жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
⚜ Осыдан 11 жыл бұрын тардай болып мектеп табалдырығын аттаған балалар бүгін таудай болып үлкен өмірге қадам басып отыр. Барша түлектерге Ұлттық Бірыңғай тестілеуден абыроймен өтіп, Қазақстанымыздың білікті маманы атануларына тілектеспіз.
⚜ Еліміздің болашағы – Сіздердің қолдарыңызда. Сондықтан да қай кезде де терең білім алу жолында жалықпай, талмай ізденіп, ел тізгінін ұстайтын азамат пен азаматша болуларыңызға тілекшіміз.
#БҚО #Оралқаласы #44мектепгимназиясы @edu_news_qz @oral_bilim @up_uralsk @batys_kz @uralskakimat @oral_ovp @edu_news_qz @abat_shynybekov @bqobilim