Д.Қонаев атындағы 44 мектеп-гимназиясында 3 мамыр күні “Қазақстан - бірлік пен татулық мекені” атты тәрбиелік мән мағынасы зор 5-7 сыныптар аралығында керемет іс-шара оздырылды.

Қазақстан халықтарының бірлігі күні мерекесіне орай ұйымдастырылған бұл іс-шараның мақсаты: Оқушыларымызға көп ұлтты еліміздің арасындағы достықты, татулықты, бірлікті, ортақ құндылықтарды насихаттау.

Бұл шарада 5-7 сыныптар өзара шаңырақ болып бірігіп әр ұлттың билерін билеп, салт-дәстүрлерін көрсетіп, өз өнерлерін ортаға салды. Шараны мектебіміздің директоры Бибигуль Сауровна мерекемен құттықтап, алғы сөзімен ашты. 

Ортада 5-сыныптар грузин, украин, татар, кәріс билерін билесе, 6-сыныптар түрік, орыс, испан, жапон ұлтының киімдері мен ұлттық биін ортада паш етті. 7-сыныптар жас ерекшеліктеріне сай өте синхронды форматпен тамаша өнер көрсете алды. Өзбек, үнді, қазақ ұлтының ұлттық өнері, тамағы мен керемет етіп, көрерменнің назарын аудара білді. 

Ел бірлігі - ең жарқын маңызды мереке. Мерекеміз мерекеге ұласа берсін! Еліміз аман, жұртымыз тыныш болсын әрқашан!