?Дінмұхамед Қонаев атындағы №44 мектеп-гимназиясында 14 желтоқсан күні Қазақстан Республикасы Тәуелсіздігінің 30 жылдығы мен “Жас ұлан” балалар мен жасөспірімдер ұйымының құрылғанына 10 жыл толу құрметіне орай “Жас ұлан”, “Жас қыран” бірыңғай балалар мен жасөспірімдер қоғамдық ұйымына қабылдау салтанатты рәсімі өткен болатын.
“Жас ұлан” ұйымының негізгі мақсаты - оқушылардың қоғамдық, әлеуметтік, танымдық және шығармашылық қабілеттерін дамыту. Өскелең ұрпақтың бойына патриоттық, азаматтық сезімдерін қалыптастырып, ұлтымыздың, тәуелсіз еліміздің бүгіні мен болашағына деген жауапкершілікті арттыру.
?Республикалық бірыңғай “Жас ұлан” балалар мен жасөспірімдер ұйымының қатарына қабылданған оқушылар ант қабылдап, “Жас ұландар” әнұранын шырқады. Мектеп-гимназиямызда “Жас ұлан” ұйымы қатарына 180 оқушы, “Жас қыран” ұйымы қатарына 182 оқушы қабылданды.
?”Жас ұлан”, “Жас қыран” балалар мен жасөспірімдер ұйымына қабылданған балдырғандарымызды шын жүректен құттықтай отырып, Отанының тәуелсіздігі мен бостандығы үшін күресуші еліміздің адал азаматтары мен азаматшалары боларына сенім білдіреміз!
