Д.Қонаев атындағы №44 мектеп-гимназиясының 2024-2025 оқу жылында «Біртұтас тәрбие» бағдарламасы негізінде «Әділдік және жауапкершілік» құндылығын дәріптеу мақсатында Қаңтар - «Заң және тәртіп» айының 14-і күні «Д.Қонаевтың туғанына 113 жыл» толуына орай «Д.Қонаев - қазақ ұлтының кемеңгері» атты онкүндік аясында 10-сынып оқушыларының қатысуымен «Елім дейтін ер барда…» атты танымдық шара өтті.Шара барысында ұлы тұлға, халқымыздың мақтанышы Дінмұхамед Ахметұлы Қонаевтың өмірі мен елге сіңірген еңбектері туралы әңгіме қозғалды.

Шараға арнайы шақырылған тарихшы Саид Зохрабовичпен кездесу ерекше әсер қалдырды. Тарихшы өз баяндамасында Д.Қонаевтың өмір жолы, оның саясаткер әрі ел басқарудағы ерекше қырлары туралы терең мағлұмат берді. Сонымен қатар, оқушыларымыз өздерін қызықтырған сұрақтарға жауап алды.

Мұндай іс-шаралар жас ұрпақтың бойында патриоттық сезімді оятып, тарихи тұлғалардың еңбегін құрметтеуге баулиды. Еліміздің болашағы білімді, елін сүйетін ұрпақтың қолында!