Д.Қонаев атындағы 44 мектеп-гимназиясында тәрбие жұмысының жылдық жоспарының “Тәңір сыйы - Тәуелсіздік” атты 16 желтоқсан – Тәуелсіздік күніне орай өткізілетін апталық іс-шаралар жоспарына сай “Біртұтас тәрбие бағдарламасын” іске асыру мақсатында ұлттық мүдде құндылығын басшылыққа алып, жоспарланған айлық аясында 12 желтоқсан күні 5-6 сынып аралығында, “Тәуелсіздік – таң нұрлы ” атты көркемсөз байқауы өтті.
Мәнерлеп оқу сайысының мақсаты: Оқушыларды мәнерлеп оқуға бағыттап бойында партриоттық сезімді дамыту;
«Мен-қазақпын мың өліп, мың тірілген, Жөргегімде таныстым мұң тілімен. Жылағанда жүрегім күн тұтылып, Қуанғанда күлкімнен түн түрілген.» — деп аталарымыз айтқандай осы шара да әр оқушының жан дүниесімен танысып, мәнерлеп оқу дағдыларын анықтадық.
Мәнерлеп оқу — мәтінді, оның мазмұнын тыңдаушыға әсерлі етіп жеткізу үшін, ондағы сөздердің дыбыстық үйлесімін, екпінін, дауыс ырғағын, әуенін сақтап айту. Мәнерлі оқудың қажетті шарттарына дауыстың анық есітілуі, оның үнділігі, әуені, яғни дауыс күшінің, үннің биіктеуі мен төмендеуі, оку қарқынынын бірде жылдам, бірде баяулауы, лебізділігі жатады. Оқу техникасы дұрыс тыныс алуды, үннің құлаққа жағымды, сөздің, буынның ашық, айқын болуын талап етеді.
Мәнерлеп оқу дегеніміз — қарапайым сөйлеу тіліне жақын, еркін оқу. Қарапайым сөйлеу деп күнделікті тұрмыс-тіршілігімізде бір-бірімізбен қарым-қатынас жасағанда алуан түрлі дауыс құбылысына түсіріп сөйлеуді айтып жүрміз. Өйткені, адамдар бір-бірімен сөйлескенде әр түрлі оқиғалар, хабарлар, көріп-білгендері туралы әңгімелейді және сол әңгімелерін өте шебер, әсерлі жеткізеді. Ондайда тыңдаушының қаншама әсер алатыны белгілі.
Сайыс соңында әр оқушының өнері бағаланып бас жүлде, 1-орын, 2- орын, 3-орындары бөлініп берілген болатын. Белсене қатысқан оқушылар үшін Алғас хат берілді. Оқушыларға сыныптан тыс шара кезінде Тәуелсіздік тақырыбында сұрақтары қойылып оқушылар өз ойларын белсене айтты
