20 ҚАРАША ДҮНИЕЖҮЗІЛІК- БАЛАЛАРДЫ ҚОРҒАУ КҮНІ:

 

БАЛАЛАРҒА АРНАЛҒАН ӨМІР

 

Қаламыздың Д.Қонаев атындағы 44 мектеп-гимназияда 

7-сынып оқушыларына арналған мектепішілік «Өз құқығыңды білесің бе?» атты танымдық ойын өтті.

 

Мақсаты: Адам заң үшін тумайды, заң адам үшін жасақталады,- дегендей оқушылардың құқық жайлы түсініктерін кеңейту, саяси саналығы мен таным белсенділігін арттыру, заңдарды талдай отырып, өз беттерімен салыстыра білуге, өмірде қолдана білуге баулу.

 

Өз құқығыңды білгенің-дұрыс өмір сүргенің демекші адамның шыр етіп жерге түскен минутынан бастап оның өмірін, денсаулығын, тыныштығын қорғап отырған заң бар. Адам құқығына үлкен үлестерін қосқан Ш.Монтаскье, И.Кант, Т.Джефферсон сияқты ойшылдар адам құқықтарының негізгі ережелерін алғаш рет анықтап, белгілеген. Өзіміздің ойшылдарымыз Төле би, Қазыбек  би, Әйтеке би және Абай Құнанбаев адам құқықтары мен бостандықтарын қорғаған. Құқық бұзушылық-қоғамға зиян келтіретін және заң бойынша жазаланатын қоғамға қарсы әрекет. Азаматтың міндеті-заң талаптарын бұзбау, екінші жағынан өзіне жүктелген міндетін орындау. Ойын барысында оқушылар ата заңымыз жайлы, өз құқықтары мен міндеттері туралы көптеген құнды мағлұматтар алды. Ойын тартысқа толы, қызықты өтті.