🔰Қазақстанның БҰҰ-ның Бала құқықтары туралы конвенциясын ратификациялау шеңберінде 8-20 қараша аралығында «Қатыгездік пен зорлық-зомбылықсыз балалық шақ» республикалық ақпараттық науқаны жүргізіледі.
🔰Науқанның мақсаты – ересектер мен балаларды қоса алғанда, балаларға қатысты зорлық-зомбылық пен қатыгездік мәселесі, оның бала мен қоғамға әсері және осы саладағы халықаралық заңнаманың негіздері туралы халықтың хабардарлығын арттыру.
🔰Жыл сайын диалог алаңдарында қатыгездік пен зорлық-зомбылықтың құрбаны болған балалар мен жасөспірімдерге көмек көрсететін, сондай-ақ өмірлік қиын жағдайға тап болған отбасылардың профилактикасымен және қолдауымен айналысатын мүдделі мемлекеттік құрылымдар, қоғамдық және үкіметтік емес ұйымдар, бұқаралық ақпарат құралдары өкілдерінің қатысуымен әйелдер мен балалармен отбасылық-тұрмыстық қатынастар және қатыгездік саласындағы құқық бұзушылықтардың алдын алу мәселелері бойынша кеңестер өткізіледі.
🔰Акция ана мен бала құқықтарын қорғаумен айналысатын барлық қатысушыларды және үкіметтік емес ұйымдарды қоғамда қатыгездік пен зорлық-зомбылықтың барлық көріністеріне, әсіресе балаларға қатысты «нөлдік төзімділікті» қалыптастыру жөніндегі жұмысты жандандыруға шақырады.
🔰Өткен жылы акция аясында облыста барлығы 40 мыңнан астам адамды қамтитын 720-дан астам іс-шара өткізілді. Бұл мектептердегі сынып сағаттары, онлайн-семинарлар, рейдтік іс-шаралар, конкурстар, пікірсайыс турнирлері, ата-аналардың, балалар мен жастардың қатысуымен ҮЕҰ өкілдерімен кездесулер.
🔰Естеріңізге сала кетейік: Мемлекет басшысының еліміздегі отбасыларға көмек көрсетуді тиімді ұйымдастыру, балалардың құқықтарын бұзудың алдын алу және зорлық-зомбылықты болдырмау жөніндегі тапсырмасын іске асыру мақсатында отбасы, әйелдер және балалар мәселелері бойынша «111» бірыңғай мемлекеттік байланыс орталығы қызмет етеді. Сонымен қатар, облыс бойынша барлық білім беру мекемелерінде «Komek Stop BuIIying» жобасы іске асырылуда.
