Д.Қонаев атындағы 44 мектеп-гимназиясының оқушылары Алматы қаласында 22-24 қаңтар күндері өткен ФУТЗАЛДАН Еуропа чемпионатына іріктеу жарысынан ЖЕҢІМПАЗ болып оралды.
Бұл жарысты республикалық «Мектеп спорт федерациясы» қоғамдық бірлестігі ұйымдастырған болатын.
Жарысқа еліміздің Алматы облысынан, Қарағанды облысынан, Атырау қаласынан және Орал қалалық білім беру бөлімінің Д.А.Қонаев атындағы №44 мектеп-гимназия командасы қатысты.
Тартысты өткен жарыста Сержан Манасов пен Мадияр Идаев жетекшілік ететін оралдық оқушылардан құралған команда Қарқаралы (Қарағанды) командасын 2:7 есебімен, Атырау командасын 2:3 есебімен, Алматы облысы командасын 1:2 есебімен жеңіп шықты.
Осылайша, жарыс қорытындысында жеңімпаз атанып, Босния мен Герцеговина елінде өтетін Еуропа чемпионатына жолдаманы жеңіп алды. Әнұранымызды шарықтатып, 🇰🇿көк туымызды желбіретіп Еуропа елдерінен абыроймен оралсын деп тілек білдіреміз!
