2023 жылдың қараша айында «Біртұтас тәрбие бағдарламасын» іске асыру мақсатында Ата-аналарды педагогикалық қолдау «Даналық мектебі» аясындағы секциялардың жылдық жұмыс жоспары бойынша 7-сыныптарға «Жеті атасын білген ұл, жеті жұрттың қамын жер» тақырыбында дөңгелек үстел оздырылды.
Мақсаты: Шежірені, әулет тарихын білудің, оны ұрпаққа мирас етудің мәнін талқылау.
Дөңгелек үстел барысында: оқушылардың жеті атасын, ата-тегін сұрап, сұрақтар қойылды; Әл-Фараби: «Тарихты білмей – өткенді, қазіргі жағдайды білу, келешекті болжау қиын» дейді. Аталарымыз жеті ата және тарихымыз туралы өз ойларын ортаға салып, өздерінің көргенін айтты. Оқушылар көкейіндегі сұрақтарын қойып, тұшымды жауап алды.
Дөңгелек үстел соңында «Атадан бата алмай, үй болмас, Ордадан үлгі алмай, би болмас» демекші, келген аталарымыздан бата сұралды.
Осындай даналық мектеп аясындағы жобалар өз жалғасын табады!
Қатысқан аталарымызға, 7-сынып оқушыларына, ұйымдастырушы педагог-кураторларға және секция жетекшісі: Шайдулова Б. А. алғысымызды білдіреміз!
