Д.Қонаев атындағы №44 мектеп-гимназиясында 2024-2025 оқу жылының «Біртұтас тәрбие» бағдарламасы негізінде «Бірлік және ынтымақ» құндылығын дәріптеу мақсатында Желтоқсан - «Бірлік және ынтымақ» айында 9-сыныптар арасында «Жауапкершілік ұрпақта, даналықта…» тақырыбында құндылық сағаты өтті.

Құндылық сағатын мектеп психологы ата-аналарды Д.Қонаев өмірбаянымен таныстырумен бастады. Қысқаша бейнероликте Димаш атамыздың өміріндегі ең маңызды кезеңдері мен қызықты деректер айтылды. Ата-аналар балалары оқитын мектепке есімі берілген тұлға туралы жан-жақты мәлімет алды.

"Сіздің құндылықтарыңыз қандай" атты тренинг арқылы ата-аналардың өзін-өзі бағалауы жүзеге асты. Алдымен "еңбекқорлық", "кемелдік", "жомарттылық", сияқты жалпыға ортақ құндылықтар таныстырылды. Бағалау парақтарын толтырған ата-аналар өздеріне "талапшыл", "адал", "қайырымды", "кешірімді" құндылықтарымен баға берді. Кейбіреуі 5 баллдық шкаламен бағалау арқылы өз-өздеріне жоғары деңгейдегі сенімділігін көрсетті.

Құндылық сағатынын қорытынды тұсында, қазіргі Z ұрпағының ерекшеліктері атап айтылды. Өмірмен байланысты мысалдар келтіре отырып, балалардың психологиясына шолу жасалынды.

Шара толығымен өз мақсатына жетті, ата-аналар алған әсерлерімен бөлісе отырып, алғыстарын жаудырды.