Мектебімізде кеше, яғни қараша айының 22 күні «ҰБТ өзгерістері» тақырыбында М.Өтемісұлы атындағы  Батыс Қазақстан Мемлекеттік университетінің  қабылдау бөлімінің  бас маманы Аманбаев  Асқар Сайынұлымен  10-11 сынып ата-аналары мен оқушыларына арналған кездесу өткізіліп, әрбір жоғарғы оқу орнының шекті балы, пәндер комбинациялары, былтырғы оқу жылындағы гранттар саны, бағдаралды жұмыстардың тиімділігі т.б өзекті мәселелер айтылды. Сонымен қатар, ата-аналар мен оқушылар өзін толғандырған сұрақтарға жауап алды. Кездесуге келген  Асқар Сайынұлына алғыс білдіре отырып, биылғы түлектерімізге сәттілік тілейміз. Бұл мектебіміз үшін маңызды кездесу болды деп есептейміз.