🔰2022 жылдың 24 қыркүйек күні сағат 11:00-де Дінмұхамед Қонаев атындағы №44 мектеп-гимназиясында тәрбие бөлімінің ұйымдастыруымен педагог-кураторларға “Кураторлық қызметті ұйымдастырудың ерекшеліктері” тақырыбында семинар-тренинг оздырылды.
Мақсаты:
🔹Кураторлық қызмет және оның негізгі міндеттері мен ұйымдастырушылық ерекшеліктерін таныстыру;
🔹Кураторлардың педагогикалық шеберлігін арттыру арқылы тәрбие формалары мен әдістерін жетілдіру;
🔹Кураторларға сыныпта ынтымақтастық қарым-қатынас қалыптастыруды ұйымдастыру жұмыстары бойынша әдістемелік көмек беру.
🔰Оқыту семинары барысында ДТІЖО Темирбаева Қ.Х. кураторлық қызметті ұйымдастырудың ерекшеліктеріне тоқталып, жаңадан келген педагог-кураторларға сәттілік тіледі.
🔰Педагог-кураторлар Назарова Ш.Т, Талапова А.К., Джуламанова Б.Э. бірыңғай топтар құру арқылы оқушыларды ауызбіршілікке, біртұтастыққа бейімдеу, сынып оқушылары арасында бауырмалдық, қамқорлық қарым-қатынас қалыптастыру мақсатымен “Шаңырақ оқушылар қауымдастығы” тақырып бөлімдеріне (міндеттеріне, артықшылықтарына, түрлі жобалар, тренингтер, ойындар) тоқталып, бірнеше тренинг түрімен бөлісті. “Шаңырақ” ұғымын оқушылардың көзімен көрсету үшін әр шаңырақ оқушылары тақырып аясында әңгіме қозғап, тақырыпты аша білді.
🔰Педагог-кураторлар Қапанова А.М., Сейтен Г.Ө. “Ата-анамен жүргізілетін жұмыс формалары” тақырыбында ата-аналармен, пән мұғалімдерімен байланыс орнату, ата-аналар жиналысына дайындық, пән мұғалімдері мен ата-аналардың біріккен жиналысын ұйымдастыру, ата-аналарды қоғамдық жұмыстарға тарту және тағы сол секілді бөлімдер негізінде толыққанды мәліметтер берді.
🔰 Педагог-кураторлар Шайдулова Б.А., Толегенова М.Д. “Педагог-куратор құжаттары” тақырыбында педагог-кураторлардың жыл бойына толтырылатын іс қағаздары мен толтыру жолдарын түсіндіріп, таныстырды.
🔰Педагог-куратор Джуламанова Б.Э. мейірімділік, қайырымдылық ұғымдарын қалыптастыру арқылы әлеуметтік жобаның пайдасы мен маңыздылығын түсіндіру мақсатында "Педагог-куратор жұмысындағы әлеуметтік жобаның маңызы мен пайдасы"
тақырыбында іс тәжірибесімен бөлісті, рефлексия жасалды.
🔰Педагог-кураторларға арналған семинар-тренинг жоғары деңгейде ұйымдастырылып, өз мақсатына жетті.
