Әдістемелік кеңес

Мәзір

Бала тілі - бал

Әдістемелік кеңес

Д.Қонаев атындағы 44 мектеп-гимназиясында 31 мамыр күні сағат 16:00-де кезекті педагогикалық кеңес өтті.

Күн тәртібінде:

1.Жыл қорытындысы. Оқу сапасының талдауы

2.Қазақстан Республикасында мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасын талдау.

Проблемалық тақырып: «Мектеп мұғалімдерінің тұлғалық әлеуетін дамуына жетекшілік ету арқылы көшбасшылық қасиеттерін қалыптастыру»

Ғылыми – әдістемелік жұмыс мақсаты: Мұғалімдердің педагогикалық шеберлігі мен шығармашылығын жетілдіруде тиісті әдістемелік көмек беру.

Күтілетін нәтижелер:

білім беру ортасының қоғамның ағымдағы сұранысына бейімделеді;
оқыту сапасының артуы, мұғалімнің өз пәні саласында білімнің жинақталуы, оқытудың қазіргі әдістерін меңгеруі мен педагогикалық процесті АКТ технология көмегімен ұйымдастырады;
дарынды оқушылармен жұмыс нәтижесінде олимпиада, ғылыми жоба, түрлі байқаулар жеңімпаздарының саны артады;
педагогтердің озық іс-тәжірибелері облыс, республика көлемінде насихатталады;
инновациялық жобалар арқылы оқушы, мұғалім әлеуеті артады, көшбасшы мұғалімдер мен оқушылар саны артады.

Ғылыми-әдістемелік жұмыстың тақырыбы: Мектеп педагогтерінің кәсіби қызметінде табысқа жетудегі көшбасшылық

Ғылыми-әдістемелік жұмыстың мақсаты: Мектеп педагогтерінің кәсіби-тұлғалық әлеуетінің дамуына жетекшілік ету арқылы көшбасшылық қасиеттерін дамыту

Міндеті:

Командалық жұмыс негізінде мектеп педагогтерінің әлеуеті мен педагогикалық шеберлігін арттыруына әрекеттік қолдау көрсету;
Мектепте инновациялық қызмет пен кәсіби құзыреттілікті жетілдірудің интерактивті кеңістігін құру, ұжымның интеллектуалды капиталын біріктіру арқылы кәсіби ынтамақтастықтан педагогтердің өзін-өзі жүйелі жетілдіруіне жету;
Зерттеу алаңдарын ұйымдастыру, мұғалімдерді эксперименттік жобаларға тарту, өз тәжірибелерін талдауға, жетілдіруге ықпал ету;
Командалық ынтымақтастық негізінде көшбасшы ұстаздар қатарын арттыру;
Цифрлық ресурстар мен платформаларды кеңінен қолдану, педагогтердің оқыту процесін жетілдіруде өзара көмек ұйымдастыру;

Күтілетін нәтижелер:

әдістемелік қызметтегі өзара білім мен тәжірибе алмасу ортасы мұғалімдердің ағымдағы сұранысына бейімделеді;
өзін-өзі оқытатын мектеп мәдениеті қалыптасады, мектеп оқытатын кәсіби қоғамдастық ретінде дамиды;
оқыту сапасы артады, мұғалімнің өз пәні саласында білімі жинақталады, оқытудың инновациялық әдістерін енгізеді, цифрлық құзыреттіліктері дамиды;
оқушылардың білімі артады, мұғалімдердің жұмыс істеу өнімділігі көтеріледі, жетістіктер саны артады;
инновациялық жобалар негізінде оқушы-мұғалім әлеуеті артады, көшбасшы мұғалімдер мен оқушылар көбейеді.