Анықтама

Мектептегі көшбасшылық, шығармашылық топ жұмыстары

2021-2022 оқу жылында мектеп әкімшілігінің ұйғаруымен көшбасшы мұғалімдер арқылы командалық топтар құру ұсынысы қолға алынды. Ол үшін алдымен ұжым ішіндегі мұғалімдер арасынан жұмыс сапасы жоғары, жетістіктерімен алда жүрген, артынан мұғалімдерді ілестіре алатын көшбасшы мұғалімдер анықталды. Содан кейін ұжым мүшелеріне гугл форма арқылы өз көшбасшысын таңдау ұсынылды. Бұл ретте бір ерекшелік – таңдау мұғалімдердің өздеріне берілді, кімнен үйренгісі келеді, кіммен қызығушылықтары ортақ немесе байланыста болғысы келеді. Осылайша 20-25 мұғалімнен тұратын 7 командалық топ құрылды, «Заманауи мұғалім – заманауи қоғам командалық топтар желісі» деген жоба бастау алды. 

Мұғалімнің бойында болуға тиіс үш білім: пәндік білім, технологиялық білім, педагогикалық білім болу керек болса, осы үш білім үйлесімділік тапқанда мұғалім кәсіби жоғары маман болады деген ағылшын зерттеушілері Мишра мен Келердің пікірлерін ұстандық. Әр топ өз көшбасшыларымен өзіндік бағытын анықтаған соң, топтарды үш бағытқа тоғыстырдық. Олар:

Мұғалімдердің педагогикалық шеберлігін арттыру (Триумф, Санқырлы топтары).
IT сауаттылығын дамыту (IT teachers, Жаңашыл жауынгерлер, Самға топтары).
Рухани даму (Кемеңгер, Modern мұғалім топтары) құрылды.
Жобаның мақсат-міндеттері белгіленді.

Мақсаты: ынтымақтастық  орта құру арқылы  мұғалімдердің кәсіби өсуіне жағдай жасау.

Міндеті:

шығармашылықпен жұмыстанатын ұжым қалыптастыру;
инновациялық орта құру;
жас ұстаздарға әдістемелік қолдау көрсету, тәжірибе алмасу.
Жоба жұмыстарына барлық топ ұстаздары белсене қатысып, жоспарға сай барлық шаралар уақытылы өтуде.  

Директордың орынбасары               Л.Дюсенбаева