⚜️Дінмұхамед Ахметұлы Қонаевтың 110 жылдық мерейтойына орай “Д.А.Қонаев - ғасырдың дара перзенті” атты мектепішілік айлық жоспары аясында бүгін 10-сынып оқушылары мен сынып жетекшілерінің ұйымдастыруымен “Д.А.Қонаевтың нақыл сөздері” тақырыбында пікір алмасу отырысы өтті. Шараның басты мақсаты: Д.Қонаев нақыл сөздерін талдау, ой бөлісу, пікір алмасу. 

Дінмұхамед- ұлы тұлға ардақты,

Дінмұхамед- бар асылдан салмақты.

Дінмұхамед- күллі әлемге танылған,

Кісіліктің шамшырағы жан-жақты.

Дінмұхамед- заманадан биік тұр,

Даналығы мәңгілікке сыйып тұр.

Қасиетті ұл, қабырғалы еліне,

Шыққан күнмен шапағаты құйып тұр - демекші, осыдан шамамен екі жыл бұрын, 2020 жылдың 8 ақпанында мектебімізге ғасырда емес, ғасырларда бір туатын ұлы тұлғаның есімі берілген болатын. Бұл да біз үшін үлкен мақтаныш. 

Шара барысында оқушылар атамыздың тамаша айтылған әр нақыл сөзіне тоқталып, талдап, бір-бірімен ой бөлісіп, тың ақпараттарға қанық болды. Тәрбиеге толы осындай шаралар өз жалғасын табатыны айқын. Шара соңында директордың тәрбие ісі жөніндегі орынбасары Қ.Х.Темирбаева сөз сөйлеп, кеш Ескендір Хасангалиевтің әніне жазылған «Атамекен» әнімен қорытындыланды.