«БІЛІМДІГЕ ДҮНИЕ ЖАРЫҚ» атты 1-сынып ата-аналары жиналыс

Мәзір

Бала тілі - бал

«БІЛІМДІГЕ ДҮНИЕ ЖАРЫҚ» атты 1-сынып ата-аналары жиналыс

Д.Қонаев атындағы №44 мектеп-гимназиясында «Біртұтас тәрбие» бағдарламасын іске асыру ҰЛТТЫҚ МҮДДЕ құндылығы қаңтар айында ата-аналарды педагогикалық қолдау мақсатында «БІЛІМДІГЕ ДҮНИЕ ЖАРЫҚ» атты 1-сынып ата-аналарына педагог-психолог Гүлмира Мырзатайқызының өткізуімен шығармашылықты дамыту кеші өтті.

Мақсаты: мектептің оқу процесіне сәтті бейімделуі үшін балалардың когнитивтік дағдыларын дамытуға ата-аналардың дайындығын қалыптастыру.
Міндеттері:
1. ата-аналарды отбасында оқушы үшін психологиялық қолайлы орта құруға ынталандыру;
2. баланың мектепке бейімделуінің мәні мен ерекшеліктерімен таныстыру;
3. бастауыш сынып оқушыларының танымдық дағдыларының ерекшеліктерімен таныстыру;
4. баланың танымдық дағдыларын дамыту үшін диагностиканы, тренингтерді, жаттығуларды практикада қолдану дағдыларын дамыту.
Ұлттық құндылықтар мен жеке қасиеттер:
Ынтымақтастық, ата-ана борышы, құрмет, жаңалық, білмекке құмарлық, креативтілік, прагматизм, эвристикалық, еркіндік.

Жоспар
I. Сәлемдесу. Сабақтың мақсаты мен міндеттері.
II. Негізгі бөлігі.
1. Баланың жеке басын дамыту үшін мектепке бейімделуінің маңыздылығы (физиологиялық, психологиялық және әлеуметтік).
a) Бейімделу түрлері.
b) Ата-аналардың сабаққа бейімделу деңгейін диагностикалау.
c) Балаларды диагностикалау бойынша ұсыныстар.
2. Баланың когнитивтік дағдыларын дамытудағы ата-ананың рөлі.
a) Ата-аналардың когнитивтік (танымдық) қабілеттерінің даму деңгейін диагностикалау.
b) Бастауыш сынып оқушыларындағы когнитивтік дағдылардың ерекшеліктері.
c) Баланың есте сақтау қабілетін, зейінін, ойлауын және қарым-қатынас жасауын дамытуға арналған тренингтер бойынша ұсыныс.
3. Проблемалық ахуал «Үй тапсырмасын орындау».
a) бейнероликті қарау;
b) сұрақтарды топтарда талқылау;
c) аудиторияда талқылау және чек-парағын әзірлеу.
III. Қорытынды. Қорытындылау, рефлексия.
Күтілетін нәтижелер
Соңында ата-ана мыналарды жасай алатын болады:
1. Отбасында оқушы үшін психологиялық қолайлы ортаны құруды;
2. Оның тұлғасын дамыту үшін баланың мектепке бейімделуі кезінде өзінің рөлін сезінуді;
3. Бастауыш сынып оқушыларының когнитивтік дағдыларының ерекшеліктерін ажырата білуді;
4. Балада танымдық дағдыларды дамыту үшін диагностиканы, тренингтерді, жаттығуларды іс жүзінде пайдалану дағдыларын меңгеретін болады.

Бүгінгі құндылық сағатына қатысқан ата-аналар бейімделу кезінде болатын қиындықтармен танысып, оны шешу жолдарын,міндеттері мен күтілетін нәтижелерді анықтады. Ата- аналар өз пікірлерімен бөлісіп, құндылық сағатынан жақсы әсермен шықты, ұйымдастырушыларға алғысын білдірді.

1 «б» сынып ата-аналар жиналысында