44 мектеп-гимназиясында "Қыз тәрбиесі - ұлт тәрбиесі" онкүндігінің аясында 10 қазан күні "Қыз бала - ұлттың ұяты, халықтың шырайы" атты кездесу кеші өтті. Кездесу кешінің мақсаты: Қыз балаларды әдептілікке, сыпайылыққа, инабаттылыққа, шынайылыққа, тазалыққа тәрбиелеу. Физиологиялық жетілу кезінде болатын өзгерістерден хабардар ету.
Кездесу кешінің қонақтары:
1. Қалалық әжелер ансамблінің мүшесі - Хайруллина Мария әже;
2. 2 қалалық емхананың акушер-гинекологі - Саяжан Мұратжанқызы;
3. Халық атағы бар, "Әжелер сәлемі" ұжымының мүшесі, мектептің белсенді әжелерінің бірі - Манзила Ешанғалиқызы.
"Қызға қырық үйден тыйым", "Қыз қылығымен сүйкімді" демекші, кеш барысында қонақтарға әр түрлі сұрақтар қойылып, жас ұрпаққа тәлім-тәрбие, үлгі-өнеге болар азық берілді. Қыз балалар да көкейлерінде жүрген сұрақтарын, ұсыныстарын стикерге жазып, жәшікке салды және кеш соңында жәшіктегі хаттарға жауап берілген болатын.
Қыздар!
Әдемі болыңдар, әсем болыңдар! Сонымен бірге ақылды болыңдар!
Сұлу болыңдар, сымбатты болыңдар! Сонымен бірге саналы болыңдар!
Ең алдымен еңбекшіл болыңдар!
Ұйқышыл болмаңдар, ұмытшақ болмаңдар, ұрысқақ болмаңдар!
Инабатты болыңдар, ілтипатты болыңдар, ұйымшыл болып өсіңдер!, деген Әзілхан Нұршайықовтың өсиет сөздерімен кездесу кеші өз соңына жетіп, "Қазақ қызы" әні бірге шырқалды.
#БҚО #44мектепгимназиясы #қыздаронкүндігі