14-22 наурыз аралығындағы «Қош келдің, әз Наурыз!» атты мерекелік шаралар жоспарының «Мейірім және жаңғыру» бөлімі бойынша 44 мектеп-гимназиясында 19 наурыз күні «Мейірімділік – асыл қасиет» атты қайырымдылық акциясы өтті.
Әр жылдың өзіндік ерекшеліктері бар екені белгілі. Бұл жыл толағай табыстарға, көптеген қуанышты жаңалықтарға толы жыл болып отыр. Осы орайда 44 мектеп-гимназиясында да көптеген игі істер атқарылып келеді. «Жерде бір бала қуанса, көкте мың періште шаттанады» - деп қазақ халқымыз айтқандай, бар жақсыны балаға арнаймын деген кеңпейіл ниетпен 44 мектеп-гимназиясының қамқоршылық кеңес мүшелерінің ұйымдастыруымен ата-ана қамқорлығынсыз қалған, аз қамтылған, көп балалы отбасыларға өз көмектерін көрсетіп, отбасыларға азық-түлік салынған қалталар апарып берді. Әр отбасы қамқоршылық кеңестің әр атқарған жұмыстарына ризашылықтарын білдіре отырып, мектеп өміріне белсене араласып, барлық іс-шаралардың басы қасында жүріп, игі істердің ұйытқысы бола білгендерін атап айтты.
«Жылуы жоқ үйден без, қайырымы жоқ биден без», - дегендей қашқоршылық кеңес мүшелері қайырымдылық, адамгершілікті биік ұстап, кісілікті ту етіп, көкірегі қаяулы, жаны жаралы жанның жасын сүртіп, жылы лебізін аямай, қолдан келген жәрдемін ұсынды.
#kamkorshylykkenes #44schoolgymnasium #Batys #Uralsk